قصيدة بعنوان #الرؤية_الوطنية_الشاملة
#الرؤية_الوطنية_الشاملة
يامن تقولوا قد بدأتوا وقف إطلاق النار
وأعلنتوا اسبوعين هدنه تبتدي ظهر اليوم
إحنا طرحنا الرؤية الشامل لدفع الأخطار
وايقاف هذي الحرب ذي أودت بكمن مظلوم
مضمونها ايقاف أنواع المعارك ياجار
في كل جبهة يا سعودي وانت يابن مكتوم
وتبادروا فتح الموانئ وارفعوا كل حصار
وتكمموا أفواه إعلام الخسيس المسموم
وتقدروا معنى السيادة وافهموا حسن جوار
لا للتدخل في قرارات البلد بالمفهوم
وتعجلوا صرف الرواتب واقطبوا بالاعمار
من أجل تعويض المواطن ذي دياره مهدوم
وترجعوا لا كل بيت الكهرباء والأنوار
وتسلموا الأسرى الذي في سجنكم والبدروم
وجيوشكم ترحل سريعا من بلاد الأنصار
ماعد لها في أرضنا جلسه ولاشي معلوم
من بعدها نبدأ مع الأطراف بتدشين حوار
والمرتزق يبقى كما خس الخلايق مذموم
هذي الوثيقة ياتحالف نجد آخر إنذار
خذها نصيحة واعقله واذهن وقل ياملهوم
وإلا فعدنا ياتحالف طالبين اخذ الثار
نسحق عظامك والمفاصل والكبد والبلعوم
وتعود مكة والجزيرة للرجال الأحرار
وتفر ياحلف العمالة لا أوروبا مهزوم
بقلم ✏
قاسم الشظبي
تعليقات
إرسال تعليق